Prania e lagështisë në muret e ndërtesave shkakton shumë
probleme dhe pakëndshmëri
- Ndikon negativisht në karakteristikat termike, d.m.th. hapësirat duhet të ngrohen më shumë dhe kjo nënkupton harxhime më të mëdha
- Si pasojë e lagështisë, njollat dhe myku paraqiten në mure dhe shumë shpesh ndodh që shtresa sipërfaqësore e llaçit dhe masa e rrafshimit të bien
- Ekspozimi i gjatë ndaj lagështisë mund të çojë në dëmtimin e përhershëm të mureve
Për këto arsye, duhet të veprojmë shpejt, sapo të paraqiten problemet e lagështisë.
Para çdo intervenimi, duhet të përcaktohet diagnoza e saktë, domethënë duhet të konfirmohen arsyet për praninë lagështisë, duke përfshirë burimi dhe kushtet e paraqitjes… Personeli profesional do të përcaktojë sa më shpejt se për cilin lloj të lagështisë bëhet fjalë, duke propozuar mënyrat më të mira për zgjidhur problemin.
Lagështia e kondensimit
Lagështia e kondensimit paraqitet si pasojë e izolimit termik të keq dhe ajrosjes së papërshtatshme të hapësirave.
Uji mund të kondensohet në formë pikash të vogla, sidomos në qoshet e hapësirave, duke përfshirë trarët prej betoni dhe kornizat e dritareve.
Ndryshimi i madh midis temperaturës së jashtme të mureve, sidomos gjatë dimrit, dhe temperaturës së brendshme të hapësirave që ngrohen, mund të çojë në paraqitjen e lagështisë në ajër. Ajri i ngrohtë ftohet rreptësisht, duke shkaktuar paraqitjen e pikave në sipërfaqen e mureve. Nënshtresat e lagura dhe të ftohta mundësojnë paraqitjen e mykut. Përveç pamjes së jashtme të pakëndshme, lagështia e tepërt dhe myku janë jashtëzakonisht të rrezikshëm për shëndetin e njerëzve, sidomos të fëmijëve.
Ju ndihmojmë në luftën kundër lagështisë dhe mykut
Absorbuesi i lagështisë përfaqëson një mënyrë të efektshme për të mënjanuar lagështinë e tepërt në çdo hapësirë. Kjo lëndë shkumëzore nuk është shumë e shikueshme dhe harxhon pak energji.
Përdorimi i vazhdueshëm i absorbuesit të lagështisë mbron shëndetin e familjes, duke parandaluar paraqitjen e astmës dhe alergjive.
Ndryshimi i temperaturës midis sipërfaqeve të trajtuara me këtë nënshtresë dhe sipërfaqeve të tjera nuk duhet të tejkalojë 5ºC.
StopKondenz aplikohet shumë thjesht me furçë dhe, pas tharjes, sipërfaqja mund të lyhet me ngjyra të dispersionit në bazë të ujit.
Markeri për fugat GROUT MARKET Stopkondenz është zgjidhja më e thjeshtë dhe e efektshme për të rifreskuar ose ndryshuar ngjyrën e fugave të pllakave qeramike.
Shumë i efektshëm për të mbuluar të metat dhe njollat në fuga. I përshtatshëm për përdorim në mjedise të lagura.
Në qoftë se myku është paraqitur tashmë, si pasojë e lagështisë së tepërt, SK Cleaner është zgjidhja më e përshtatshme. Ky preparat dezinfektues aplikohet me spërkatëse, për të mënjanuar mykun nga muret, dritaret, dyert, druri, plastiku, pllakat qeramike, zonat rreth lavamanit dhe kabinës së dushit, si edhe nga sipërfaqet e tjera.
Përdoret në hapësirat shtëpiake, publike ose industriale, për të trajtuar sipërfaqet që nuk janë në kontakt të drejtpërdrejtë me ushqimin, njerëzit dhe kafshët.
